Angliya chempionatining 12-turi doirasida «Chelsi» va «Manchester Siti» jamoalari o‘rtasidagi markaziy uchrashuv bo‘lib o‘tdi.

Tomonlar hisobda "quvlashmachoq" o‘ynashdi. Dastlab Erling Xoland 25-daqiqada penaltidan hisobni ochgan bo‘lsa, oradan ko‘p o‘tmasdan Tiago Silva va Rahim Sterling mezbonlarni oldinga olib chiqdi. Birinchi bo‘limga qo‘shib berilgan daqiqalarda esa Akanji hisobni tenglashtirdi.

Ikkinchi bo‘lim boshida esa Xoland "Siti"ning uchinchi golini urib, jamoasini oldinga olib chiqdi. 67-daqiqada "Chelsi" Nikolas Jekson tomonidan urilgan gol evaziga muvozanatni tikladi — 3:3.

"Siti" o‘yinning asosiy vaqti tugashiga 4 daqiqa qolganida "shaharliklar" yana oldinga o‘tib olishdi. Rodri gol muallifiga aylandi.

Ikkinchi bo‘limga qo‘shib berilgan 5-daqiqada esa Koul Palmer hisobni 4:4 ko‘rinishga keltirib qo‘ydi.

Angliya chempionati, 12-tur
Chelsi – Manchester Siti 4:4 (2:2)
Gollar: 0:1 – 25, penalti Xoland, 1:1 – 29 Tiago Silva, 2:1 – 37 Sterling, 2:2 – 45 Akanji, 2:3 – 47 Xoland, 3:3 – 67 Jekson, 3:4 – 86 Rodri, 4:4 – 90, penalti Palmer.
Chelsi – Sanches, Jeyms (Gyusto, 64), Tiago Silva, Disasi, Kukurelya, Ugochukvu, Gallaxer, Fernandes (Mudrik, 64), Palmer, Kaysedo (Broya, 90), Sterling, Jekson.
Manchester Siti – Ederson, Uoker, Ruben Diash, Gvardiol, Akanji, Bernardu Silva, Rodri, Foden, Doku (Grilish, 59), Xoland, Alvares (Kovachich, 79).
Ogohlantirishlar: Kukurelya (22), Palmer (23), Doku (56), Kaysedo (60), Rodri (72), Jekson (90), Grilish (90), Sterling (90).