JCH-2026 saralash bosqichi 2-turida Eron terma jamoasi Toshkentga tashrif buyuradi. Forslarning ko‘p o‘yinchilari legioner maqomida xorij chempiontlarida faoliyati yuritishadi. Xo‘sh, ular hozir qanday formada. Shu haqda to‘xtalib o‘tamiz.

1. Mehdi Torimiy ("Portu") — "Sofascore" talqiniga ko‘ra, UYEFA Chempionlar ligasidagi eng yaxshi hujumchilar beshligidan o‘rin olgan;

2. Sardor Azmun ("Roma") — rimliklar safidagi dastlabki golini urdi va o‘zining oldingi formasiga qaytmoqda;

3. Muhammad Muhibiy ("Rostov") — Rossiyadagi ilk mavsumidayoq 2 ta gol va 3 ta assist bilan jamoaning asosiy chap qanot vingeriga aylanib bo‘ldi;

4. Alirizo Jahonbaxsh ("Feyenoord") — mavsumni ko‘ngildagidek boshlamagan edi, lekin "AZ"ga qarshi so‘nggi uchrashuvni asosiy tarkibda boshlab, assist qayd etdi;

5. Samon Quddus ("Brentford") — o‘z jamoasida 2-taymdan tushiriladigan yarim himoyachi. Premyer-ligada oktyabrning "Eng chiroyli goli" muallifi bo‘ldi;

6. Ehson Hojsafiy ("AYEK", Gresiya) — o‘z jamoasining asosiy chap qanot himoyachisi. Tajribali futbolchi so‘nggi paytlarda kichik jarohatlardan aziyat chekmoqda;

7. Ahmad Nurullohiy ("Al Vahda") — abu-dabiliklarning asosiy tayanch yarim himoyachisi;

8. Majid Hussayniy ("Kayserispor") — jarohatidan qutulgan markaziy himoyachi, o‘z jamoasining so‘nggi 3 ta o‘yinini asosiy tarkibda boshladi;

9. Ali Karimiy ("Kayserispor") — 1 ta gol va 1 ta assist bilan o‘z jamoasining asosiy tayanch yarim himoyachisi;

10. Karim Ansorifard ("Omoniya", Kipr) — asosiy tarkibdagi o‘rnini yo‘qotgan hujumchi, zaxiradan maydonga tushiriladi;

11. Said Izzatullohiy ("Vayle", Daniya) — asosiy tarkib o‘yinchisi bo‘lishiga qaramasdan, bu mavsum beqaror o‘yin ko‘rsatmoqda;

12. Milod Muhammadiy ("AEK") — zaxira o‘yinchisi bo‘lishiga qaramasdan, hamyurti Hojsafi o‘rniga tushirilganda, jamoa o‘yinini kuchaytira oladi;

13. Sodiq Muharramiy ("Dinamo Zagreb") — mavsumni asosiy o‘ng qanot himoyachisi sifatida boshlagan edi. Ammo muvaffaqiyatsiz o‘yinlardan so‘ng zaxirada qoldirilmoqda;

14. Amin Hazboviy ("As-Sadd") — chempionat o‘yinlarida asosiy tarkibda tushishiga qaramasdan, OCHL o‘yinlarini zaxirada o‘tkazmoqda;

15. Umid Ibrohimiy ("Ash-SHamal", Qatar) — 36 yoshda bo‘lishiga qaramasdan, o‘z jamoasining asosiy tayanch yarim himoyachisi hisoblanadi.