U-17 jahon chempionati guruh bosqichi 3-turida O‘zbekiston yoshlari 16 noyabr, payshanba kuni Ispaniyaga qarshi bahs olib bordi.
Uchrashuvning dastlabki 20 daqiqasida ispanlar hujumkorlik namoyish etib, 2 ta gol urdi. Dastlab, 10-daqiqada Igor Oyono hisobni ochgan bo‘lsa, 19-daqiqada Roberto Martin ispanlarning ikkinchi goliga mualliflik qildi. Birinchi bo‘limga qo‘shib berilgan 4-daqiqada Behruz Shukurullayev hisobni qisqartirishga muvaffaq bo‘ldi.
Ikkinchi bo‘limda esa o‘zbekistonliklar faollik ko‘rsatdi va hisobni tenglashtirdi. 53-daqiqada Karimovning uzatmasidan so‘ng Amir Saidov darvozabon bilan yakkama-yakka vaziyatga chiqdi va darvozani ishg‘ol qildi. Biroq, o‘yindan tashqari holat borligiga shubha qilinib, hakam VARga murojaat qildi. VAR esa golni inobatga oldi.
Uchrashuv 2:2 hisobida yakunlandi va O‘zbekiston ochkolarini 4 taga yetkazib, "B" guruhida 3-o‘rinni band etdi. Jamoamiz nimchorak final yo‘llanmasini qo‘lga kiritganini rasman e’lon qilish uchun qolgan guruhlarda so‘nggi tur natijalarini kutishimiz kerak bo‘ladi.
Eslatib o‘tamiz, O‘zbekiston U-17 terma jamoasi 1-turda Maliga yirik hisobda imkoniyatni boy berib qo‘ygandi. 2-turda esa Kanada 3:0 hisobida taslim etilgandi.
U-17 Jahon Chempionati, "B" guruhi, 3-tur bahsi
16 noyabr, payshanba
O‘zbekiston U-17 – Ispaniya U-17 - 2:2
Gollar: 0:1 — 10 Igor Oyono, 0:2 — 19 Robert Marin, 1:2 — 45+4 Behruz Shukurullayev, 2:2 — 53 Amir Saidov.
O‘zbekiston U-17: 21. Muhammadyusuf Sobirov, 4. Behruzjon Karimov (18. Jasur Hikmatullayev, 56) 5. Azizbek To‘lqinbekov, 7. Lazizbek Mirzayev, 8. Behruz Shukurullayev, 9. Amirbek Saidov (14. Shodiyor Shodiboyev, 86), 13. Behruz Jumatov, 16. Muhammadali Reimov, 17. Ollabergan Karimov (3.YAhyo O‘rinboyev, 86), 19. Sherzod Abdulboriyev, 20. Dilshod Abdullayev.
Ispaniya U-17: 1. Raul Ximenes, 4. Yon Martin, 7. Pablo Lopes (19. Daniel Yanez, 64) 8. Roberto Martin, 11. Peio Xuestamendia (20. Yago Paulo, 74) 12. Igor Oyono (9. Mark Guiu,79) 14. Izan Merino, 15. Andres Kuenka, 16. Mark Bernal (8. Pau Prim, 64), 17. Oskar Mesa, 18. Kuim Junent (10. Xuan Ernandes, 64).
Ogohlantirish: Yon Martin (47).
Kanada U-17 – Mali U-17 - 1:5
| № | Jamoa | O‘yin | G‘alaba | Durang | Mag‘-yat | T-N | Ochko | |
|---|---|---|---|---|---|---|---|---|
| 1 |  |
Ispaniya | 3 | 2 | 1 | 0 | 5-2 | 7 |
| 2 |  |
Mali | 3 | 2 | 0 | 1 | 8-2 | 6 |
| 3 |  |
O‘zbekiston | 3 | 1 | 1 | 1 | 5-5 | 4 |
| 4 |  |
Kanada | 3 | 0 | 0 | 3 | 1-10 | 0 |
