"Bavariya" bosh murabbiyi Tomas Tuxel hujumchi Tomas Myuller hujumning o‘ng qanotida o‘ynaydigan jarohatlangan Kingsli Komanning o‘rnini bosa olishini aytdi.

"Oxirgi safar u ham qanotda o‘ynadi va juda qattiq mehnat qildi. Tomas bizning barcha talablarimizni biladi. U o‘ng qanotda o‘ynagan. To‘rtta hujumkor pozisiyaning hech biri uning uchun muammo emas. Ochig‘i, u asosiy tarkibda maydonga tushishga da’vogar. U bunga loyiq”, - dedi Tuxel matbuot anjumanida.

Eslatib o‘tamiz, Myullerni joriy mavsumdagi o‘yin amaliyoti kamligi qoniqtirmayapti. Shu sababdan Tomas mavsum oxirida shartnomasi tugagach, jamoani tark etishni o‘ylamoqda.