Yevrofutbol o‘z atrofidagi voqealar bilan ham go‘zal.
Mana, yaqinda Fransiya klubi o‘z stadionida bolalar uchun chiroyli aksiya uyushtirdi - «O‘yinchoqlar yomg‘iri». Tushunarliki, bunda maydonga faqat yomshoq o‘yinchoqlar otiladi.
Liga 1da chakki taassurot qoldirmayotgan «Lill» klubi rahbariyati bu safar biroz boshqacha tashabbus bilan chiqdi. Aniqroq aytsak, Fransiya chempionati 14-turidan o‘rin olgan «Mes»ga qarshi o‘yin (2:0) arafasida muxlislardan stadionga yomshoq ayiqcha o‘yinchog‘i bilan kelish so‘raldi.
Shu tariqa uchrashuvdan oldin Vilnyov-d`Ask shaharchasidagi «Pyer Morua» arenasida chiroyli manzara yuzaga keldi - maydonga yumshoq ayiqchalar yomg‘ir kabi yog‘ildi. Fransiyalik muxlislarni bu borada olqishlash kerak. Zero, ular klubning Yangi yil bayrami oldidan muhtoj bolalar uchun o‘yinchoq yig‘ish aksiyasini baralla qo‘llab-quvvatlashdi. Endi to‘plangan yumshoq ayiqchalar Bolalar o‘ylariga tarqatiladi. Qanday yoqimli va ta’sirchan aksiya!
