Futbolga ixtisoslashgan "Michael Talks Football" kanali ijodkorlari Osiyo kubogida ishtirok etuvchi terma jamoalarning imkoniyatlariga baho berishdi.

Musobaqada ishtirok etuvchi 24 ta terma jamoa 5 xil darajaga bo‘lib chiqildi:

1. Favorit;
2. Da’vogar;
3. "Qora tulpor";
4. Yana bir ishtirok;
5. Kayfiyat uchun.

O‘zbekiston terma jamoasiga 3-darajadagi terma jamoa ya’ni "qora tulpor" sifatida baho berildi. Ko‘rsatuv ishtirokchilarining fikriga ko‘ra, O‘zbekiston juda qo‘rqinchli va xavfli terma jamoa. Ushbu terma jamoa sermahsul o‘yin ko‘rsatishi, ammo oddiy vaziyatlarda o‘ziga gol olib kelishi mumkin.

O‘zbekiston terma jamoasining Turkmaniston va Eron terma jamoalariga qarshi hisobda ortda borayotib, 2 marta kambek amalga oshirganligi tilga olindi. Ammo muallifning fikriga ko‘ra, Osiyo kubogi kabi jiddiy musobaqaning nimchorak yoki chorak final bosqichida kambek evaziga g‘alaba qozonish juda qiyin bo‘ladi.

Shuningdek, ishtirokchilardan biri O‘zbekiston terma jamoasini mustahkam himoyaga ega jamoa deb aytib o‘tdi. Ammo, AQSH va Meksikaga qarshi o‘yinlarda terma jamoamizning 3 tadan gol o‘tkazib yuborgani ham yodga olindi. Lekin, AQSH va Meksika kabi terma jamoalarning darajasini inobatga olgan holda, bu normal holat ekanligi tan olindi.

Shomurodovning jarohati bo‘lmaganda, ushbu terma jamoani 2-darajadagi "da’vogar" terma jamoa deb atash mumkin edi. Shunga qaramasdan, turnir setkasidan kelib chiqqan holda, O‘zbekiston musobaqaning yarim finaligacha chiqishi mumkin degan taxmin bildirildi.

Quyida Ingliz tilidagi ushbu podkastni to‘liq tomosha qilish mumkin: