Yaqindagina "Neftchi" bilan shartnoma muddatini uzaytirgan Diyor Turopov klub matbuot xizmati uchun kichik intervyu berdi.

— O‘tgan mavsum haqida nima deya olasiz?
— Qiziqarli mavsum bo‘ldi. Farg‘ona ahli "Neftchi"ning shonli o‘yinlaridan olgan zavq-quvonchni o‘tgan mavsumdagi "Neftchi" bellashuvlaridan bir lahza bo‘lsa ham muxlislar yodiga soldi, deb o‘ylayman.

— Jamoamiz bilan kelasi mavsumda ham birgasiz?  Jamoada qolishingiz uchun eng asosiy uchta sababni aytib bersangiz?
— Muxlislar, kollektiv va sovrinli o‘rinlar uchun yana bir bor urinib ko‘rish.

— Muxlislarga keyingi mavsum oldidan Turopov nima va’da bera oladi?
— Va’da berishga shoshilmaylik. Biz aytganlarimiz bo‘lib qolganda unda hammasi boshqacha bo‘lar edi. Allohning aytgani bo‘ladi, bizdan esa yaxshi niyat va harakat.

— O‘tgan mavsumda jamoamizga medallar uchun kurashda nima yetishmadi deb o‘ylaysiz?
— Fikrimcha, barqarorlik va oxirgi nuqtani qo‘yish yetishmadi. Yangi mavsumda murabbiylar rejasi asosida maqsad sari intilamiz, muxlislar esa oldingiday  bizni oxirigacha qo‘llab-quvvatlashini xohlardim. Biz har qanday raqibga bosh og‘rig‘i bo‘la olamiz va ularning uyqusiz tunlarida bizning ham hissamiz bo‘ladi, degan umiddaman.

"Neftchi" PFK matbuot xizmati.