Saudiya Arabistoni terma jamoasidan uch nafar futbolchi – Navaf al-Aqidiy, Salmon al-Faraj va Sulton al-Gannam tarkibdan chetlashtirildi. Jamoa bosh murabbiyi Roberto Manchini bu borada fikr bildirdi.
"Ular ro‘yxatda edi. Salmon menga o‘rtoqlik o‘yinlarida qatnashishni istamasligini aytdi. Sultondan terma jamoada o‘ynaganimdan xursandmisiz, deb so‘rasam, noroziman, deb javob berdi. Futbolchilar o‘ynash yoki o‘ynamaslik haqida qaror qabul qilishmaydi. Men qaror qilaman. Navof menga kelmoqchi emasligini aytdi. Biz u bilan gaplashishga va uni ro‘yxatga kiritishga harakat qildik. Uch kun oldin u darvozabonlar murabbiyimizga yuzlanib: "Agar o‘ynamasam, bu yerda qolishni istamayman", dedi. Men faqat o‘z vatani uchun kurashadigan futbolchilarni xohlayman", - dedi Manchini jurnalistlarga.
"Yosh futbolchi qachon terma jamoaga kelishdan bosh tortishini tushunmayapman, chunki u o‘ynashini bilmaydi. Milliy terma jamoa klub emas, bu sizning davlatingiz. Bu men birinchi marta duch kelgan juda g‘alati holat. Lekin biz boshqa o‘yinchilarni topdik", - deya qo‘shimcha qildi Manchini.
