"Real" yarim himoyachisi Toni Kroos Yevropa chempionlar ligasi nimchorak final bosqichi doirasida bo‘lib o‘tgan «Leypsig»ga qarshi o‘yin borasida o‘z fikrini bildirib o‘tdi.

Bahsning 2-daqiqasida germaniyaliklar burchak zarbasidan keyin hisobni ochishgandi. Ammo VAR ofsayd tufayli golni bekor qildi.

– Tanaffusda biz 2-daqiqadagi vaziyatni — «Leypsig»ning bekor qilingan golini tahlil qildik. Bu ofsayd emas edi. Futbolchi darvozabonni biroz turtdi. Siz bu vaziyat  takrorini ko‘rdingizmi yoki yo‘qmi, bilmadim, ammo bu vaziyat futbolning foydasiga xizmat qilmaydi. Gap bu yerda gol «Leyspig» foydasiga urilganida emas. Shunchaki, men buni toza gol deb hisoblayman. Siz esa vaziyatni qanday baholaysiz?

– Men ham shunday o‘ylayman. Nazarimda, o‘sha vaziyatda ofsayddagi futbolchi darvozabonning yo‘liga turib olgani uchun hakam golni bekor qildi. Ammo darvozabon baribir to‘pga yeta olmasdi. Shuning uchun golni hisoblash kerak edi. Bu yerda bahsga o‘rin yo‘q, – dedi Kroos "Prime Video Germany"ga bergan intervyusida.