Bilbaoning "Atletik" klubi va Ispaniya terma jamoasi vingeri Niko Uilyams 2023/2024 yilgi mavsumda Ispaniya Kubogidagi g‘alabadan so‘ng o‘z his-tuyg‘ulari bilan o‘rtoqlashdi.

"Men bu lahzani ko‘p marta orzu qilganman. O‘tgan yili Kubok yarim finalida muhim o‘yinda gol urish uchun ikkita imkoniyatga ega bo‘ldim, ammo ulardan foydalana olmadim. Finalga chiqish arafasida edik. Lekin hozir tarix yozganimdan va klubda nom qozonganimdan juda xursandman. Bu g‘alaba muxlislar va mening oilam uchun alohida ahamiyatga ega.

Meni doim omma oldida oddiy Inyakining akasi sifatida ko‘rishardi va oxir-oqibat o‘sha og‘irlikni yelkamdan olib, o‘z nomimga erishaman. Akam uni nima uchun sevishimni biladi. Ammo Oskar de Markos kabi boshqa futbolchilar ham borki, ular ham olqishlarga loyiq", - dedi Uilyams AS bilan suhbatda.

Eslatib o‘tamiz, Bilbaoning "Atletik" klubi 2023/2024 yilgi mavsumda Ispaniya kubogini qo‘lga kiritgan edi. Ernesto Valverde shogirdlari turnir finalida "Malyorka"ni 1:1 (4:2 penaltilar) hisobida mag‘lub etishdi.

Joriy mavsumda vinger "basklar" uchun barcha turnirlarda 30 ta o‘yin o‘tkazib, 6 ta gol va 14 ta golli uzatmani amalga oshirdi. Transfermarkt portali futbolchining taxminiy narxini 50 million yevroga baholamoqda.