2023/24 yilgi mavsumda "Arsenal"da ijara asosida o‘ynagan "Brentford" darvozaboni David Rayya kelajagi haqida fikr bildirdi.
"Men bor e’tiborimni hozirgi kunga qaratganman. Men kelajak haqida ko‘p o‘ylashni xohlamayman. Hozir bu menga bog‘liq emas. Bizda yozgi ta’til bo‘ladi.
Bu klub va Artetaga bog‘liq. Umid qilamanki, ular menga shartnoma taklif qilishadi. Agar shunday bo‘lsa, bu ajoyib bo‘ladi - men bu bilan to‘xtab qolmoqchi emasman, "Arsenal" bilan sovrinlar yutishni xohlayman", - dedi Rayya.
28 yoshli ispaniyalik darvozabon 2023/24 yilgi mavsum uchun "Oltin qo‘lqop" sovrinini oldi. Bu Premyer-liganing bir mavsumda eng ko‘p o‘z darvozasi daxlsizligini saqlagan darvozaboni uchun beriladigan sovrindir. Joriy mavsumda Premyer-liganing 32ta o‘yinida Rayya 16ta o‘z darvozasi daxlsizligini saqlab qoldi.
David Rayyaning "Arsenal" bilan ijara shartnomasi 2024 yilning yozida yakuniga yetadi. Futbolchining "Brentford" bilan shartnomasi 2025 yilning yoziga qadar tuzilgan.
