Krishtianu Ronaldu Irlandiya terma jamoasiga (3:0) qarshi o‘yindagi dublidan so‘ng fikr bildirdi.
"Milliy terma jamoa uchun har bir gol alohida. Kelib, o‘ynab, gol ura olganimdan juda xursandman, lekin asosiy maqsad g‘alaba qozonish va yaxshi futbol ko‘rsatish.
Jamoa yaxshi himoyalandi, bizda juda yaxshi dinamika bor edi. O‘ynagan barchani tabriklayman, jamoamiz aynan shunday harakat qilishi kerak. Bizni har doim ishtiyoq bilan qo‘llab-quvvatlaydigan muxlislarga ham rahmat aytmoqchiman, bu ko‘p narsani anglatadi.
Men Xorvatiya bilan o‘yinni o‘tkazib yuborishga tayyor edim, murabbiy meni ogohlantirdi. U bir hafta dam olishimni xohladi, men o‘ynamasligimni bilardim. 6 iyun kuni mashg‘ulotlarni boshladim va bugungi o‘yinga tayyorgarlik ko‘rishim kerak edi. Eng muhimi 18 iyundan boshlanadi. Biz yevroni iloji boricha yaxshiroq boshlashni istaymiz", dedi portugaliyalik forvard.
