Turkiya terma jamoasi bosh murabbiyi Vinchenso Montella Yevropa chempionati-2024 1/8 finali o‘yini arafasida Avstriya terma jamoasiga qarshi o‘yin haqida gapirdi. Eslatib o‘tamiz, avstriyaliklar guruhda birinchi o‘rinni egallagan edi.

"Avstriya D guruhida birinchi o‘rinni egalladimi? Bu muvozanatli guruh bo‘lib, bir-biriga yaqin raqiblar bor edi, shuning uchun uchtadan har qanday jamoa yetakchi bo‘lishi mumkin edi. Avstriyaning g‘alabasi men uchun kutilmagan bo‘lgani yo‘q.

Avstriya juda shiddatli, o‘tishlarda ancha tajovuzkor va jismonan juda kuchli. Bu jismoniy ustunlikka ega jamoa. Bizda ikkita muhim raqam yetishmayapti, lekin biz bu bo‘shliqlarni turli yo‘llar bilan to‘ldiramiz. Biz maydonda ham, maydon tashqarisida ham og‘ir damlarni boshdan kechirdik va qo‘limizdan kelgan barcha ishni qilamiz", - dedi Montella UYEFA matbuot xizmatiga.

Avstriya terma jamoasi bilan o‘yin 2 iyul, seshanba kuni bo‘lib o‘tadi.