2024 yilgi mavsum davralari oralig‘ida Bekobodning "Metallurg" jamoasi o‘z tarkibini markaziy himoyachi bilan to‘ldirdi. Klub Ukraina va Moldova fuqaroligiga ega Oleksandr Kucherenko bilan shartnoma imzoladi.

Oleksandrning oxirgi jamoasi “Veres" (Rovno) klubidir. 32 yoshli Kucherenko “Metallurg”ga kelguniga qadar 9 ta jamoada o‘ynadi. Futbolchilik faoliyatini Ukrainaning “Slavxleb” havaskorlar jamoasida boshlagan Oleksandr 2011 yili Kramatorskning “Avangand” jamoasiga o‘tadi. Yil oxirida esa Moldovaning “Nistru” (Otach) jamoasi bilan shartnoma imzoladi. Moldova fuqaroligini qabul qilgach, mamlakat U19 jamoasiga chaqirildi. 2013-2014 yillarda “Kostuleni”, 2014-2015 yilgi mavsumda esa “Veris” jamoasida o‘ynagach, yana Ukrainaga qaytdi. 2015-2017 yillar “Zvezda”, 2017-2021 yillar “Ingules”da to‘p surdi. Bir mavsum “Volin”da o‘ynagach, yana “Ingules”ga borib qo‘shildi. 2023 yildan to shu kunga qadar esa “Veres” klubi sharafini himoya etib keldi. Professional futbolchilik faoliyati davrida 272 ta uchrashuvda maydonga tushgan, 16 ta gol urgan, shulardan 7 tasini penaltidan kiritgan. 40 marta ogohlantirilgan, 2 marta maydondan chetlatilgan.

Oleksandr Kucherenko – 32 yoshda, 1991 yilning 1 oktyabr sanasida tug‘ilgan.
Tug‘ilgan joyi – Ukraina, Slavyansk
Bo‘yi – 185 sm
Vazni – 75 kg
Ampluasi – himoyachi