«Neftchi» - «Dinamo» (3:2) uchrashuvidan keyin mehmonlar bosh murabbiyi Vadim Abramov matbuot anjumanida ishtirok etdi.

— O‘yin haqidagi fikrlaringiz?
— O‘yinni barcha ko‘rdi, juda yomon o‘ynadik. Deyarli to‘liq o‘yin davomida 10 kishi bo‘lib o‘ynab, 3ta gol o‘tkazib yuborishni izohlash qiyin. Raqib jamoani g‘alaba bilan tabriklayman. Kurashib, g‘olib chiqishdi. Biz esa bunday o‘yindan keyin xulosa qilishimiz kerak. Juda uyatli.

— Jamoangiz darvozabonining xatolari haqida nima deysiz?
— Ha, darvozabonimiz xato qilyapti, ammo u zarur pallada bir necha marta qutqarmoqda. Ammo bugun butun jamoa xato qildi, o‘tkazib yuborilgan uchta goldan qaysi birida uni ayblash mumkin? Jamoa raqib chetlatishdan keyin butunlay xato o‘ynadi. Yigitlar juda xotirjamlikka berilishdi. Raqibning xatosini kutishdi, chog‘i, ammo ular xato qilishmadi. Qarshi hujum va stantdartlarda jazolandik, burchak to‘pi vaqtida himoyachilar raqibga qarshilik ko‘rsata olishmadi, bu vaziyatda darvozabon nima ham qila olardi...

— Kecha «Dinamo» matbuot xizmati mashg‘ulotlar paytidan maydonning holatini tanqid qilib chiqdi. Bugun stadion tayyorlandi, maydon holatidan qoniqdingizmi?
— Maydonning ahvoli qanaqa ekanini o‘zingiz ko‘rdingizmi?

— Hozirgi juda issiq iqlim sharoitida O‘zbekistondagi istalgan maydonda shunday muammo bor. Nima, Samarqanddagi maydon Farg‘onadagidan yaxshiroqmi?
— Albatta, ayni damda Samarqanddagi maydon ajoyib holatda. Qachongacha shunday bo‘ladi bilmayman, chunki u yerda biz o‘ynaymiz, o‘rinbosarlar jamoamiz o‘ynaydi, «Surxon» o‘ynaydi, mashg‘ulotlar bo‘ladi. Maydonimiz buni qanchalik ko‘tara olishini bilmayman. Ehtimol, Farg‘onadagi bu stadioningizda ham «Neftchi»dan tashqari yana jamoa o‘ynayotgan bo‘lsa kerak, shu bois juda achinarli holatda edi. Bu bahona emas, mag‘lubiyatdan keyin o‘zimni oqlagandek ko‘rinmoqchi ham emasman. Shunchaki bunday maydonda nimanidir yaratish qiyin edi, — deydi Vadim Abramov o‘yindan keyingi matbuot anjumanida.