Turinning «Yuventus» klubi hujumchisi Federiko Kyeza hozirgi jamoasi safida qolish istagini bildirdi. Insayder Jovanni Albaneze bergan ma’lumotlarga ko‘ra, italiyalik vinger bosh murabbiy Tiago Mottani «keksa sinyora»ga foydali bo‘lishi mumkinligiga ishontirmoqchi.
Eslatib o‘tamiz, Kyezaning «Yuventus» bilan shartnomasi tugashiga bir yil vaqt qolgan, biroq italiyalik rahbariyat taklif qilgan shartlar bo‘yicha shartnomani uzaytirishdan bosh tortgan edi. Avvalroq futbolchiga Angliya Premyer-ligasi va Turkiya Superligasi klublari qiziqish bildirayotgan edi.
O‘tgan mavsumda 26 yoshli Kyeza Italiya A Seriyasida 9 ta gol urdi va 2 ta golli uzatmani amalga oshirdi.
