O‘zbekiston Superligasi  16-turidan o‘rin olgan  “Navbahor” – “Bunyodkor” jamoalari o‘rtasidagi uchrashuv sanasida 25 yoshga to‘lgan  “lochinlar” yarim himoyachisi Komiljon Tojidinov bo‘lajak bahs haqidagi fikrlari bilan o‘rtoqlashdi.

  - Bo‘lajak raqibimiz “Bunyodkor” garchi joriy mavsum bahslarini omadsiz o‘tkazayotgan bo‘lsada, mazkur bahsda jamoamizga munosib qarshilik ko‘rsatishga harakat qiladi. Umuman olganda, “Navbahor”ga qarshi kechadigan o‘yinlarda barcha jamoalar maydonga o‘zgacha ishtiyoqda tushadi.    Biz o‘tgan turda Olmaliqda OKMKga alamli tarzda imkoniyatni boy berib, muxlislarimizni ranjitib qo‘ydik. Shuning uchun bo‘lajak o‘yinda ishqibozlarimizga quvonch ulashish, ularning ishonchlarini oqlash, g‘alaba ishtiyoqida maydonga tushib, muxlislarga xursandchilik ulashish uchun barcha imkoniyatimizni ishga solamiz.

Umuman olganda, Superliganing bu yilgi bellashuvlari keskin kurashlar ostida kechmoqda va uchrashuvlar natijalarini oldindan bashorat qilish qiyin. Har bir jamoaga hurmat bilan yondoshish kerak.  

 Ishqibozlardan esa bo‘lajak o‘yinda jamoamizni bevosita stadionda munosib tarzda qo‘llab-quvvatlab, g‘alabamizga madadkor bo‘lishlarini so‘rab qolaman. Biz esa ta’kidlaganimdek, ularning ishonchlarini oqlash, uylariga xursand holda qaytishlari uchun raqibni mag‘lubiyatga uchratishga harakat qilamiz.

Fursatdan foydalanib, jamoamizga barcha sharoitlarni yaratib berayotgan Namangan viloyati hokimi Shavkatjon Shokirjanovich Abdurazzoqov va klub vise-prezidenti Otabek Arifovich Samatovlarga jamoamiz nomidan   minnatdorchilik bildiraman.

Joriy mavsumda jamoamiz o‘z oldiga qo‘ygan maqsadiga erishadi, degan umiddaman, – dedi Komiljon Tojidinov.

"Navbahor" PFK xizmati.