"Milan"ning navbatdagi omadsizligidan so‘ng Italiya klubi Paulu Fonseka bilan xayrlashishi mumkinligi haqidagi mish-mishlar yana kuchaydi.

Ammo, SportMediaset nashrining aniqlik kiritishicha, klub rahbariyati, jumladan Zlatan Ibrahimovich vaziyatni muhokama qilib, taktik qarorga keldi - hozircha bosh murabbiyga tegmaslik va unga har tomonlama yordam berish. "Fiorentina"ga qarshi o‘yindagi muvaffaqiyatsizlikka futbolchilarning o‘z harakatlari sabab bo‘ldi.

Ammo Fonsekaga ishonch unchalik katta emas - noyabrda milanliklar portugaliyalik mutaxassis qo‘l ostida klub kelajagi va istiqbollarini muhokama qilish uchun yana yig‘ilish o‘tkazishi mumkin.