Fransiya terma jamoasi darvozaboni Bris Samba "Lans"dan "Renn"ga ko‘chib o‘tdi.
Bu haqda "Renn" klubi matbuot xizmati xabar berdi.
Shartnoma 2029 yilning yoziga qadar mo‘ljallangan, transfer summasi 15 million yevroni tashkil qiladi. Transferdan keyin Sambaning maoshi ikki baravar ko‘paydi: oyiga 210 dan 500 ming yevrogacha.
30 yoshli darvozabon 2022 yilning yozidan buyon "Lans" safida o‘ynab kelayotgandi. Umuman olganda, bu vaqt ichida darvozabon klub safida barcha turnirlarda 96 ta o‘yin o‘tkazib, 96 ta gol o‘tkazib yuborgan va 37 marta o‘z darvozasi daxlsizligini saqlab qolgan.
"Renn"ning yangi darvozabon bilan shartnoma imzolashi 39 yoshli faxriy Stiv Mandandning joriy mavsumdagi yomon o‘yinlari bilan bog‘liq.
Eslatib o‘tamiz, Samba Fransiya terma jamoasi futbolchisi bo‘lib, terma jamoa tarkibida jami uchta o‘yin o‘tkazgan.
