Gavi Rafinyani "Oltin to‘p"ga da’vogar deb atadi.

"Barselona" vingeri Chempionlar Ligasi 1/8 finalidan o‘rin olgan "Benfika"ga (3:1) qarshi javob o‘yinida dubl qayd etdi. Rafinya turnir to‘purarlari ro‘yxatida peshqadamlik qilmoqda, braziliyalik futbolchi hisobida 11 ta gol bor.

"Albatta, Rafinya "Oltin to‘p" uchun nomzod, lekin asosiysi, u shu ruhda davom etishi kerak. Oldinda hali ko‘plab o‘yinlar bor va umid qilamanki, u imkon qadar ko‘proq titullarni qo‘lga kiritadi," - dedi "Barselona" yarim himoyachisi Gavi.