Portugaliya terma jamoasi o‘z maydonida Millatlar Ligasi 1/4 finalining javob o‘yinida Daniyani mag‘lub etdi - 5:2.
Asosiy vaqtda mezbonlar safida Krishtianu Ronaldu va Fransishku Trinkan gol urgan bo‘lsa, yana bir golni daniyaliklar himoyachisi Yoakim Andersen o‘z darvozasiga joylab qo‘ydi. Uchrashuv boshida Ronaldu penaltidan foydalana olmadi.
Mehmonlardan Rasmus Kristensen va Kristian Eriksen asosiy vaqtda raqib darvozasini ishg‘ol qildi.
Qo‘shimcha bo‘limlarda Portugaliya terma jamoasi safida Fransishku Trinkan va Gonsalu Ramush gol urdi.
Portugaliyaliklar daniyaliklarni ikki o‘yin natijasiga ko‘ra 5:3 hisobida mag‘lub etib, Millatlar Ligasi yarim finalida Germaniyaga qarshi bahs olib boradi.
