Antuan Grizmann futboldagi irqchilik haqida gapirdi.
"Futbol dunyoni birlashtiradi, degan ibora oddiy, ammo to‘g‘ri. O‘yin bo‘lsa, maydonda va tribunada turli madaniyat va mamlakatlardan bo‘lgan odamlar ko‘p bo‘ladi. Har bir muxlis o‘z mamlakati yoki o‘z vatan klubi libosini kiyib olganini ko‘rib, futbolning qudratini anglaysiz".
Haqorat haqida:
"Bu juda achinarli, chunki hali ham juda yomon qo‘shiqlar, juda ahmoqona qo‘shiqlar bor. Ularga joy yo‘qligi aniq. Futbolchi maydonda, zaxira o‘rindig‘ida bo‘lganida jiddiy haqoratlanishi mumkin, bunday bo‘lmasligi kerak.
Biz odamlar, kattalar, ota-onalar sifatida yaxshilanishimiz kerak, chunki ko‘pincha ota-onalar o‘z farzandlari oldida juda qo‘pol imo-ishoralar va haqoratlar qilishadi va bola ota-onasining qilganini takrorlashi aniq. Men barcha ota-onalarni va barcha kattalarni ularning so‘zlari va imo-ishoralariga diqqat bilan qarashga chaqiraman - shundagina biz bu ahmoqlikka chek qo‘yishimiz mumkin.
Farzandlaringizni qanday tarbiyalayotganingiz juda muhimdir. Siz o‘zingizga yaxshi o‘rnak bo‘lishingiz, barchaga, klub va stadion xodimlariga hurmat bilan munosabatda bo‘lishingiz, atrofingizdagi odamlarga g‘amxo‘rlik qilishingiz kerak" - dedi "Atletiko" forvardi FIFA matbuot xizmatiga bergan intervyusida.
