"PSJ" himoyachilari Villian Pacho va Lyuka Ernandes "Bavariya"ga qarshi o‘yinda qizil kartochka olib, 2 ta o‘yinga diskvalifikasiya qilindi. Jamoalar klublar o‘rtasidagi jahon chempionatining chorak finalida o‘ynashdi va parijliklar 2:0 hisobida g‘alaba qozonishdi.

Ikki o‘yindan iborat diskvalifikasiyalar esa Pacho va Ernandesning AQSHdagi turnirda boshqa ishtirok eta olmasligini anglatadi. Vaziyatni inobatga olgan futbolchilar jamoa qarorgohini tark etishdi. Bu haqda "PSJ" matbuot xizmati xabar bermoqda. Pacho va Ernandes uchun ta’til ertaroq boshlandi.

Klublar o‘rtasidagi jahon chempionati yarim finalida "PSJ" "Real"ga qarshi bahs olib boradi. Jamoalar 9 iyul, chorshanba kuni maydonga tushadi.