UFC rahbari Dana Uayt shunday va’da berdi: "Agar Islom Maxachev yarim o‘rta vazn toifasida chempionlik kamarini qo‘lga kiritsa, u holda uni Iliya Topuriyaga qarshi jang kutadi".
Eslatib o‘tamiz, avvalroq Maxachev yengil vazndagi chempionlik kamaridan voz kechib, yarim o‘rta vazn toifasiga o‘tgandi. U bu toifada amaldagi chempion Jek Della Maddalenaga qarshi jang qiladi. Jang noyabr oyida, Nyu-Yorkdagi UFC turnirida o‘tkazilishi mumkin!
Topuriya esa o‘z navbatida yarim yengil vazndagi kamarni topshirgan va Islom tark etgan yengil vazn kamarini qo‘lga kiritgan — u birinchi raundda nokaut bilan Charlz Oliveyrani mag‘lub etgan edi!
