"Bornmut" himoyachisi Ilya Zabarniy ushbu transfer oynasida klubini o‘zgartirishi mumkin - Caught Offside ma’lumotiga ko‘ra, ayni damda aynan "Tottenxem" muzokaralarda eng katta qat’iyat ko‘rsatmoqda.

Manbaning ta’kidlashicha, London klubi "Bornmut" talablarini qondirishga tayyor bo‘lgan yagona da’vogar - 22 yoshli ukrainalik uchun inglizlar kamida 70 million yevro va bonuslar so‘ramoqda.

Avvalroq Zabarniyga "PSJ", "Chelsi", "Liverpul" va "Nyukasl" qiziqish bildirgan, ammo "Bornmut" rahbariyati ularning takliflarini yetarli emas deb hisoblab, rad etgandi. Shu bilan birga, futbolchining o‘zi, manbaga ko‘ra, aynan Parij klubiga o‘tishga moil va hozircha boshqa jamoalar bilan muzokaralar olib bormayapti. "PSJ" qiziqishda davom etmoqda va yozgi transfer oynasi yopilgunga qadar transferni kelishib olishga umid qilmoqda.