O‘zbekiston o‘smirlar terma jamoasi bosh murabbiyi Islombek Ismoilov Toshkentda davom etayotgan yig‘in borasida o‘z fikrlari bilan o‘rtoqlashdi.
“Yig‘inimiz 20 avgustdan boshlandi. Birinchi bosqichni Farg‘onada o‘tkazib, “Sementchi”ga qarshi o‘rtoqlik uchrashuvini o‘tkazdik. Tayyorgarlikning ikkinchi qismini Toshkentga ko‘chirdik va 30 avgustga qadar davom etadi.
31 avgustdan tayyorgarlikning uchinchi qismini Ispaniyada davom ettiramiz va u yerda kichik turnirda qatnashamiz. JCH oldidan Angliya, Kanada va Marokashga qarshi o‘ynash qo‘shimcha kuch beradi. Bu o‘yinlar orqali xatolarimizni ko‘rib olamiz. Bu esa JCH oldida biz uchun muhim hisoblanadi.
Sharoitlarimiz a’lo darajada. Ilgarilari qiyinchiliklar bo‘lgan. Mashg‘ulotlarga kelib va ketish uchun ikki soat vaqtimizni yo‘qotardik. Hozirda barchasi joyida. Bu o‘zgarishlar terma jamoa uchun xizmat qiladi”, - deydi Ismoilov O‘FA matbuot xizmatiga bergan intervyusida.
