"Komo" hujumchisi Alvaro Morata Ispaniya terma jamoasidagi faoliyatini yakunlash borasida fikrlari bilan o‘rtoqlashdi.
32 yoshli futbolchi xalqaro faoliyatini yakunlashi haqidagi mish-mishlarga qaramay, terma jamoadagi faoliyatini davom ettirmoqda. Bosh murabbiy Luis de la Fuente tajribali forvardni sentyabr oyida bo‘lib o‘tadigan JCH-2026 saralash o‘yinlari uchun "qizil furiya" safiga chaqirdi.
"Har doimgidek terma jamoada o‘ynashni sabrsizlik bilan kutyapman. Ahvolim yaxshi, jamoada ekanimdan xursandman. Ketish haqida o‘ylamayapman. Men ko‘plab qiyinchiliklarni boshdan kechirdim va hamma narsa bo‘lishi mumkinligini bilaman, lekin hozir butun e’tiborimni o‘yinga qaratganman. O‘z mamlakati milliy jamoasida o‘ynash - futbolchilik faoliyatimdagi eng yaxshi hissiyotlardir," - dedi Morata matbuot anjumanida.
