O‘zbekiston U23 terma jamoasi yarim himoyachisi Sherzod Esanov Belarusning «Dinamo-Brest» klubi bilan shartnoma imzoladi. Bu haqda brestlik bilan shartnoma imzoladi. 22 yoshli futbolchining «Dinamo-Brest» bilan kelishuvi 2025 yil mavsumi oxirigacha mo‘ljallangan.
"Esanov 2003 yil 1 fevralda O‘zbekistonning Navoiy shahrida tug‘ilgan. U «Qizilqum» klubi tarbiyalanuvchisi hisoblanadi. Keyinchalik u «Chig‘atoy», «Andijon» va «Olimpik» jamoalarida to‘p surgan. O‘zbekiston chempionati doirasida u 27 uchrashuv o‘tkazib, 2 ta gol urgan.
2024 yil yozida Esanov Rossiyaning RPLda ishtirok etuvchi «Akron» klubiga yo‘l oldi. U yerda yarim himoyachi chempionat va Rossiya kubogi doirasida jami 16 uchrashuv o‘tkazib, 1 ta gol kiritdi.
Klub darajasidagi faoliyatidan tashqari, Esanov mamlakat terma jamoalarida ham boy tajribaga ega. U O‘zbekiston U20 termasi bilan 2023 yili Osiyo Kubogini qo‘lga kiritgan, U23 tarkibida esa 2022 yilgi Yozgi Osiyo o‘yinlarida bronza medalini yutib olgan.
Esanov «Dinamo-Brest» asosiy tarkibi bilan mashg‘ulotlarni boshlab yubordi. Yarim himoyachi 25-raqam ostida maydonga tushadi.
«Dinamo-Brest» futbol klubi Sherzodni qutlab, unga «ko‘k-oq» formada katta muvaffaqiyatlar tilaydi!", — deyiladi «Dinamo-Brest» rasmiy sayti tarqatgan xabarda.













