Sobiq hujumchi Zlatan Ibrahimovich o‘z uslubiga ta’sir ko‘rsatgan sportchilar haqida fikr bildirdi. U Ronaldoni tarixdagi eng yaxshi futbolchi deb atadi.

«Men uchun Ronaldo hamisha va har doim eng yaxshi o‘yinchi bo‘lib qoldi. Ko‘plab buyuk futbolchilar bor, lekin men uchun u birinchi raqam. O‘shanda ijtimoiy tarmoqlar yo‘q edi. Men kutubxonaga borib, videolar izlardim, yashirincha uning dribling va harakatlarini kuzatardim. Shu tryuklarni o‘rganishni xohlardim. Natijada Muhammad Ali va Ronaldodan ilhomlanib, qandaydir yo‘l bilan o‘z uslubimni yaratdim.

Men Muhammad Alini televizordan, o‘shanda qora-oq ekranda ko‘rar edim. Uning qanday gapirgani, qanday harakat qilganiga diqqat qaratardim. U kibrli inson emas edi. Bolaligimdayoq uning kimligini bilmoqchi bo‘ldim. O‘zimga aytdim: «Men unga o‘xshash bo‘lmoqchiman, lekin futbolda». Shundan so‘ng o‘yinlarni kuzata boshladim, shu paytda birinchi marta Ronaldoni ko‘rdim», — deb yozadi Ibrahimovichning so‘zlarini Sky Sport Italia.