Angliya terma jamoasi muxlislari "talonchilik" darajasidagi yuqori narxlar tufayli Jahon chempionati chiptalarini sotib olishdan ommaviy ravishda voz kechishmoqda. Umumiy hisobda fanatlar allaqachon 6000 ta joy uchun berilgan taklifni rad etishdi, bularning orasida narxi 3130 funtdan 6489 funtgacha bo‘lgan 1000 dan ortiq final chiptalari ham bor.
"England Supporters Travel Club"ning 30 000 a’zosidan 90 foizi FIFA tomonidan taklif etilgan chiptalarni e’tiborsiz qoldirdi. Angliya futbol assosiasiyasi 19 iyul kuni Nyu-Jersidagi "MetLayf Stedium"da (82 000 o‘rinli) bo‘lib o‘tadigan final uchun ajratilgan 4500 ta chiptadan faqat 3409 tasini sota oldi, xolos.
Sotilmay qolgan 1091 ta chiptaning umumiy qiymati 7,1 million funtdan oshadi — ularning deyarli barchasi 1-toifadagi eng qimmat sektorlarga tegishli.
Shuningdek, Angliya futbol assosiasiyasi JCH yarim finali uchun ajratilgan 3500 ta joydan 2686 tasini sotdi. 45 funtlik 500 ta byudjet variantidan tashqari, qolgan chiptalar narxi 687 funtdan 2370 funtgacha o‘zgarib turadi.
