Top-klublar «Brayton» darvozaboni Bart Verbryuggenni o‘z safiga qo‘shib olishga qiziqish bildirmoqda.

«TEAMtalk» jurnalisti Grem Beylining bergan ma’lumotlariga ko‘ra, niderlandiyalik posbonni qo‘lga kiritish uchun asosiy nomzod «Bavariya» bo‘lib turgan edi, biroq endi transfer uchun kurashga «Chelsi» ham qo‘shildi. London klubi 23 yoshli futbolchining o‘tishi uchun 50 million funt sterling taklif qilishga tayyor.

Bart Verbryuggen 2023 yilda «Anderlext»dan «Brayton»ga 20 million yevro evaziga o‘tgan edi. Uning amaldagi shartnomasi 2028 yilning 30 iyuniga qadar mo‘ljallangan. Joriy mavsumda darvozabon «chaykalar» safida barcha musobaqalarda 25 ta o‘yin o‘tkazib, o‘z darvozasidan 33 ta to‘p olib chiqdi va 5 ta uchrashuvda darvozasi daxlsizligini saqlab qoldi.