«Tottenxem»ning yangi bosh murabbiyi Igor Tudor nima uchun jamoaning Premyer-ligada qolishiga to‘liq ishonishi haqidagi savolga javob berdi.

«Shu haftada men futbolchilarning sifatini ko‘rdim. Bizda aql bovar qilmas darajada iqtidorli o‘yinchilar bor, hatto ularning ayrimlari hozir biz bilan bo‘lmasa-da, ular albatta qaytadi. Yakshanba kuni ixtiyorimizda 13 ta yaxshi futbolchi bo‘ladi», — deya Tudorning so‘zlarini keltiradi The Spurs Express.

Eslatib o‘tamiz, Tudor fevral oyi o‘rtalarida Tomas Frankning o‘rnini egallab, «Tottenxem»ni boshqarishni boshladi. 22 fevral kuni «shporlar» yangi murabbiy qo‘l ostida birinchi o‘yinini o‘tkazadi — raqib «Arsenal» bo‘ladi. Angliya chempionatining 27-tur uchrashuvi Toshkent vaqti bilan soat 21:30 da boshlanishi rejalashtirilgan.