Angliya Premyer-ligasining 27-turi doirasida "Chelsi" o‘z maydonida "Bernli"ni qabul qildi va kutilmaganda ochko yo‘qotdi. Bahs 1:1 hisobidagi durang bilan yakunlandi.
O‘yinning 4-daqiqasidayoq Joao Pedro mezbonlarni oldinga olib chiqqan edi. Ammo 72-daqiqada "ko‘klar" himoyachisi Uesli Fofana ikkinchi sariq kartochkasini olib, maydonni tark etdi. Son jihatdan ustunlikka ega bo‘lgan "Bernli" bosimni oshirdi va hakam tomonidan qo‘shib berilgan vaqtda Zian Flemming muvozanatni tiklashga muvaffaq bo‘ldi.
Ayni damda "Chelsi" 45 ochko bilan APL turnir jadvalida 4-o‘rinni saqlab turibdi. "Bernli" esa 19 ochko bilan oxirgidan bitta oldingi (19) pog‘onani egallab turibdi.
APL. 27-tur
21.02.2026 | 20:00
«Stemford Bridj», London
«CHELSI» — «BERNLI» — 1:1
Gollar: Joao Pedro 4’ (1:0), Flemming 90’ (1:1).
«Chelsi»: Sanches, Gyusto (Xato, 80), Chaloba, Fofana, Jeyms (Achimpong, 89), Santos, Kaysedo, Pedru Netu (Sarr, 88), Fernandes, Palmer (Adarabioyo, 75), Joao Pedro (Delap, 80).
«Bernli»: Dubravka, Estev, Uorrall, Loran (Brun Larsen, 78), Xamfris (Chauna, 84), Mejbri, Ugochukvu (Uord-Prouz, 57), Uoker (Lukas Pires, 46), Edvards, Flemming, Entoni (Barns, 84).
Ogohlantirishlar: Fofana (34), Sanches (90), Xato (90) — Mejbri (30).
Chetlatish: Fofana (72, ikkinchi sariq).
Kunning parallel kechgan bahsida "Aston Villa" o‘z uyida "Lids" bilan kuch sinashdi va xuddi shunday 1:1 hisobini qayd etdi. Mehmonlar safida Anton Shtax hisobni ochgan bo‘lsa, "Villa" bunga Temmi Abraxamning aniq zarbasi bilan javob qaytardi.
"Aston Villa" 51 ochko bilan APLda 3-o‘rinni mustahkam egallab turibdi. "Lids" esa 31 ochko bilan 15-o‘rinda bormoqda.
APL. 27-tur
21.02.2026 | 20:00
«Villa Park», Birmingem
«ASTON VILLA» — «LIDS» — 1:1
Gollar: Shtax 31’ (0:1), Abraham 88’ (1:1).
«Aston Villa»: Martines, Matsen, Mings, Konsa, Kesh (Garsiya, 87), Duglas Luis (Bogard, 87), Onana (Barkli, 61), Buendiya (Abraham, 75), Rodjers, Beyli (Sancho, 61), Uotkins.
«Lids»: Darlou, Gudmundsson (Biyol, 46), Rodon, Streyk, Ampadu, Jastin, Aaronson (Nmecha, 73), Shtax (Longstaff, 83), Gruyev, Bogl, Kalvert-Lyuin.
Ogohlantirishlar: Buendiya (73) — Biyol (62), Darlou (69), Bogl (79), Gruyev (90).
APL. 27-tur
21.02.2026 | 20:00
«Brentford Kommyuniti», Brentford
«BRENTFORD» — «BRAYTON» — 0:2
Gollar: Gomes 30’ (0:1), Uelbek 45’ (0:2).
«Brentford»: Kellexer, Xenri, van der Berg, Ayer (Donovan, 81), Xiki (Kollinz, 45), Yanelt (Yarmolyuk, 46), Xenderson (Damsgor, 67), Lyuis-Potter (Shade, 46), Yensen, Uattara, Tiago.
«Brayton»: Verbryuggen, Ferdi Kadioglu, Dank, van Xekke, Viffer (Veltman, 65), Gros, Xinshelvud, Milner (Baleba, 90), Mitoma, Uelbek, Gomes (De Keyper, 76).
Ogohlantirishlar: Yarmolyuk (90) — Viffer (12), Ferdi Kadioglu (54).
