«An-Nasr» bosh murabbiyi Jorje Jezush amaldagi shartnomasini uzaytirishi mumkin. Saudiya Arabistonidagi manbalarning xabar berishicha, klub rahbariyati portugaliyalik mutaxassisga 2027 yilning o‘rtalariga qadar mo‘ljallangan yangi bitim taklif qilishga tayyor. «An-Nasr» mutasaddilari murabbiyning ishidan mamnun va keyingi mavsumda ham u bilan hamkorlikni davom ettirishni istamoqda.
Avvalroq, agar uning hamyurti Krishtianu Ronaldu yozda jamoani tark etsa, Jorje Jezush ham ketishi mumkinligi haqida xabarlar tarqalgan edi. Biroq yaqinda yulduz hujumchi klubda qolish niyatida ekanligini ma’lum qildi.
Jezush o‘tgan yilning iyul oyida «An-Nasr» boshqaruvini qo‘lga olgan edi. Hozirda jamoa chempionat turnir jadvalida peshqadamlik qilmoqda.
