Filippinlik bokschi Menni Pakyao Floyd Meyvezer bilan revansh jangi bo‘yicha muzokaralar anchadan beri olib borilgani, biroq amerikalik bokschi jangning ko‘rgazmali xarakterda bo‘lishini talab qilganini aytdi. Aynan shu omil uzoq vaqt davomida tomonlarning kelishuvga erishishiga to‘sqinlik qilgan.
"Bungacha u ko‘rgazmali jang o‘tkazishni xohlagan edi, lekin men rozi bo‘lmadim. Men hozirgidek haqiqiy jangni istagandim.
Ushbu to‘qnashuvdan juda hayajondaman. Shunday bo‘ldiki, men hali ham faolman, u esa faoliyatini tiklab, buni yana bir bor amalga oshirishga qaror qildi. Men 2015 yildagi o‘sha jang (birinchi to‘qnashuv)dan ko‘p narsani o‘rgandim. O‘ylaymanki, hozir biz donoroqmiz va bu jangga qanday yondashishni tushunamiz. Umid qilamanki, bu safar hech qanday bahonalarga o‘rin qolmaydi. Ayniqsa, mening jismoniy holatim borasida. Men jangga tayyorman", — dedi Pakyao ESPN telekanalining Sports Center ko‘rsatuvi efirida.
Pakyao 11 yil avvalgi mag‘lubiyatini yelkasidagi jarohat va raqibining ochiq jangga kirishni istamagani bilan izohlagan edi. Endi oradan 11 yil o‘tib, 47 yoshli filippinik va 49 yoshli amerikalik bokschilar ringda yana to‘qnash kelishadi. Ularning hisobida jami 112 ta g‘alaba mavjud.
