«Santos»ning braziliyalik hujumchisi Neymar Braziliya chempionati 4-turidan o‘rin olgan «Vasko da Gama»ga (2:1) qarshi o‘yinda vatandoshi Tyago Mendes bilan sodir bo‘lgan mojaro haqida gapirib berdi.
«U doim janjal chiqarishga harakat qiladi. Bir safar u meni «Pari Sen-Jermen»da o‘ynab yurgan vaqtimda jarohatlagan edi, bugun esa buni yana takrorlashni va’da qildi. Ko‘ramiz, meni yana bir bor mayib qilishga uning jasorati yetarmikan», — deya Neymarning so‘zlarini keltirmoqda «Liberta Depte» o‘zining X ijtimoiy tarmog‘idagi sahifasida.
Qayd etish joizki, «Vasko da Gama» bilan o‘yinda Neymar dubl qayd etib, jamoasining g‘alabasini ta’minladi.
Neymar 2025 yildan beri «Santos» sharafini himoya qilib kelmoqda. Futbolchining klub bilan shartnomasi 2026 yilning dekabriga qadar mo‘ljallangan.
