«Barselona» himoyachisi Pau Kubarsi jamoaning tavakkalli o‘yin uslubi haqida o‘z fikrlari bilan o‘rtoqlashdi.

«Barselona»ning o‘yin uslubi doimo juda tushunarli bo‘lgan. Biz murabbiy va uning shtabiga ishonamiz. Oxirgi uchrashuvda «Atletiko» deyarli golli vaziyatlar yarata olmadi. Bu esa «Barselona»ga qilayotgan ishlarimizga ishonishda davom etish uchun ko‘proq ishonch va quvvat bag‘ishlaydi», — deya Kubarsining so‘zlarini keltirmoqda Barça Universal.

Eslatib o‘tamiz, Ispaniya kubogi yarim finalining javob uchrashuvida «Barselona» o‘z uyida «Atletiko»ni 3:0 hisobida mag‘lub etdi, biroq birinchi o‘yindagi 0:4 hisobidagi mag‘lubiyat sababli finalga yo‘l ololmadi.

Ertaga, 7 mart kuni «Barselona» La Liganing 27-turi doirasida safarda «Atletik» Bilbao bilan to‘qnash keladi. O‘yin Toshkent vaqti bilan 8 martga o‘tar kechasi soat 01:00 da boshlanishi rejalashtirilgan.