«Milan» hujumchisi Rafael Leau mashg‘ulot vaqtida jamoa bosh murabbiyi Massimiliano Allegri bilan aytishib qolgani haqidagi mish-mishlarga ijtimoiy tarmoqlar orqali munosabat bildirdi.
Italiya OAVlarida yozilishicha, «Torino»ga qarshi o‘yin oldidan bo‘lib o‘tgan mashg‘ulotda italiyalik mutaxassis Leauga jamoadoshlariga ko‘proq yordam berishi kerakligini aytgan. Rafael esa bunga javoban buni qila olmasligini bildirgan (go‘yoki).
Hujumchi ijtimoiy tarmoqlardagi sahifasida qizil xoch (X) belgisidan iborat emodzini qoldirish orqali bu gap-so‘zlarni rad etdi.
