Ispaniya terma jamoasi va Kataloniyaning «Barselona» klubi sobiq futbolchisi Jerar Pike argentinalik Lionel Messi va portugaliyalik Krishtianu Ronalduni o‘zaro solishtirdi.
«Men Leoni dunyoda eng zo‘ri deb hisoblayman. Uni birinchi o‘ringa, Ronalduni esa ikkinchi o‘ringa qo‘yaman. Bular barcha davrlarning eng yaxshi ikki futbolchisidir. Ular bilan birga to‘p sura olganimdan juda xursandman. Ular menga sovrinlar yutishda yordam berishgan», — deya sobiq himoyachining so‘zlarini keltiradi AS nashri.
Hozirgi vaqtda Krishtianu Saudiya Arabistoni chempionatida «An-Nasr» safida to‘p surmoqda. Messi esa, o‘z navbatida, Amerikaning «Inter Mayami» klubi sharafini himoya qilmoqda. O‘tgan mavsumda argentinalik futbolchi MLS chempioniga aylandi.
