«Bavariya» boshqaruvi a’zosi Uli Xyoness hujumchi Xarri Keynning hozirgi kundagi transfer qiymati haqida o‘z fikrini bildirdi.

«Bu ma’lum bir tavakkalchilik edi [2023 yilda Keyn uchun taxminan 100 million yevro sarflash]. Ammo u so‘nggi yillarda biz uchun aql bovar qilmas darajada yaxshi o‘ynadi. Agar narx va sifat nisbatini ko‘rib chiqsak, Keynning narxi 150 million yevro derdim. Lekin keyin qarasangiz, «Liverpul»dagi Aleksandr Isak 150 million yevro turadi. Agar u 150 million tursa, unda Xarri 250 million yevro turadi», — dedi Xyoness «Kicker» nashriga bergan intervyusida.

Joriy mavsumda Xarri Keyn «Bavariya» safida barcha turnirlarda 40 ta o‘yinda maydonga tushib, 48 ta gol urdi va beshta golli uzatmani amalga oshirdi.