Myunxenning «Bavariya» klubi 40 yoshli Manuel Noyerning o‘rnini egallashi kutilayotgan yangi darvozabon qidirmoqda. One Football nashri bergan ma’lumotlarga ko‘ra, Germaniya grandining qiziqishlar doirasiga «Gamburg» posboni Daniel Xoyer kirgan.

33 yoshli futbolchi 2019 yilning yozidan buyon amaldagi jamoasi sharafini himoya qilib kelmoqda. Tomonlar o‘rtasidagi amaldagi mehnat shartnomasi 2026 yilning iyun oyi oxirida nihoyasiga yetadi. Xoyerning bozor qiymati 1,2 million yevroga baholanmoqda.

Germaniya chempionatining joriy mavsumida Daniel «Gamburg» safida 27 ta o‘yinda maydonga tushdi. Darvozabon o‘z darvozasidan 40 ta to‘p olib chiqdi va 6 ta uchrashuvda o‘z darvozasi daxlsizligini saqlab qoldi.