«Manchester Yunayted» yarim himoyachisi Manuel Ugarte kelayotgan yozda klubni tark etishi mumkin.

Avvalroq «qizil iblislar» urugvaylik futbolchini «Nyukasl» va «Aston Villa»ga ijaraga berishdan bosh tortgan edi, biroq so‘nggi vaqtlarda vaziyat o‘zgardi — endilikda klub xavbekni qo‘yib yuborishga tayyor. Bu haqda El Pais nashriga tayanib Transfer News Live xabar bermoqda. Mankunianliklar rahbariyati yaqinlashib kelayotgan mavsumlar oralig‘ida 24 yoshli futbolchi bo‘yicha tushadigan takliflarni ko‘rib chiqishga tayyor.

Manuel Ugarte joriy mavsumda yetarlicha o‘yin amaliyotiga ega bo‘lmayapti — u barcha turnirlarda maydonda jami 900 daqiqadan sal ko‘proq vaqt o‘tkazdi. Futbolchining «Manchester Yunayted» bilan shartnomasi 2029 yil o‘rtalarigacha mo‘ljallangan, Transfermarkt portali esa uning bozor qiymatini 30 million yevroga baholamoqda.