Madridning «Real» klubi bosh murabbiyi Alvaro Arbeloa chap qanot himoyachisi pozisiyasi uchun asosiy tanlov borasida hali bir qarorga kelmadi.
Asosiy tarkibdan joy olish uchun Fran Garsiya, Alvaro Karreras va Ferlan Mendi o‘zaro raqobatlashmoqda. Marca nashrining xabar berishicha, ispaniyalik mutaxassis ushbu uch futbolchidan istalganiga ishonishga tayyor — unda yaqqol favorit yo‘q. Mavsumning hal qiluvchi qismida har uchala o‘yinchi ham asosiy tarkibda sinab ko‘rilishi kutilmoqda.
Taxminlarga ko‘ra, La Liganing bugungi «Malyorka»ga qarshi bahsida «qaymoqranglilar»ning asosiy tarkibida Karreras maydonga tushadi. Uchrashuv Toshkent vaqti bilan soat 19:15 da boshlanadi.
Eslatib o‘tamiz, Alvaro Arbeloa yanvar oyida Xabi Alonsoning o‘rnini egallab, bosh murabbiy lavozimiga tayinlangan edi.
