«Barselona» yarim himoyachisi Frenki de Yong jarohatidan so‘ng tiklanish jarayonini o‘tamoqda. 28 yoshli futbolchi tizza osti payidagi jarohati sababli fevral oyi oxiridan beri maydonga tushmayapti.

Que T'hi Jugues xabariga ko‘ra, niderlandiyalik futbolchi Chempionlar ligasi chorak finali doirasidagi Madridning «Atletiko» jamoasiga qarshi dastlabki bahsgacha safga qaytishga ulgurmaydi. Xavbekning qaydnomaga qaytishi La Liganing navbatdagi turidan o‘rin olgan «Espanyol»ga qarshi o‘yinga rejalashtirilgan, biroq ushbu uchrashuvda ham bosh murabbiy Xans-Diter Flik futbolchini asrashi mumkin.

Shanba kuni «ko‘k-anorranglilar» chempionat doirasida safarda «Atletiko»ni mag‘lub etishdi (2:1). Chorshanba kuni Chempionlar ligasi doirasida «matraschilar» bilan uy uchrashuvi bo‘lib o‘tadi, «Espanyol»ga qarshi derbi esa 11 aprelga belgilangan.