«Barselona» yarim himoyachisi Frenki de Yong «PSJ»ning qiziqishlar doirasiga tushdi.
ElNacional.cat nashrining ma’lumotlariga ko‘ra, Parij klubi niderlandiyalik futbolchining transferi uchun bo‘lib-bo‘lib to‘lash sharti bilan 55 million yevro taklif qilgan. «Ko‘k-anorranglilar» esa bu taklifga rad javobini berishdi. Kataloniya klubi de Yongning sotuvidan 70 million yevro ishlab olmoqchi va bu mablag‘ni bir yo‘la to‘lab berilishini talab qilmoqda.
Frenki de Yong 2019 yilda «Ayaks»dan «Barselona»ga 86 million yevro evaziga o‘tgan edi. Uning «ko‘k-anorranglilar» bilan shartnomasi 2029 yilning 30 iyuniga qadar mo‘ljallangan. Joriy mavsumda yarim himoyachi kataloniyaliklar safida barcha turnirlarda 31 ta o‘yinda maydonga tushib, bitta gol urdi va yettita golli uzatmani amalga oshirdi.
