«Inter» himoyachisi Alessandro Bastonining «Barselona»ga ehtimoliy o‘tishi haqida yangi ma’lumotlar paydo bo‘ldi.
Insayder Fabrisio Romanoning xabar berishicha, so‘nggi vaqtlarda Bastoni bilan bog‘liq kelishuv borasida hech qanday o‘zgarish kuzatilmagan. Manbaga ko‘ra, yaqin ikki hafta ichida ham bu borada yangilik bo‘lishi kutilmayapti.
Biroq, kataloniyaliklar transfer oynasi ochilishini kutmasdan, o‘tishni may yoki iyun oylarida rasmiylashtirishni rejalashtirishmoqda. Shu bilan birga, «Barselona» Bastoni bilan dekabr oyidan beri aloqada bo‘lib turgani ta’kidlanmoqda.
Joriy mavsumda 27 yoshli italiyalik himoyachi barcha turnirlarda 37 ta o‘yinda maydonga tushib, 2 ta gol urdi va 6 ta golli uzatmaga mualliflik qildi. Grand klublar o‘rtasidagi bu transfer mavsumning eng yirik kelishuvlaridan biri bo‘lishi kutilmoqda.
