«Brayton» jamoasining tayanch yarim himoyachisi Karlos Baleba faoliyatini «Manchester Yunayted»da davom ettirishi mumkin. Bu haqda Theatre of Red nashri xabar bermoqda.

Eslatib o‘tamiz, avvalroq «qizil iblislar» 22 yoshli kamerunlik futbolchini sotib olishga urinib ko‘rishgan, biroq transfer summasi bo‘yicha kelisha olishmagan edi. Xabarlarga ko‘ra, kelayotgan yozgi transfer oynasida «Manchester Yunayted» Balebani qo‘lga kiritish uchun yana bir bor harakat qiladi.

«Old Trafford»da ushbu kelishuv «Brayton» tomonidan 2025 yilda so‘ralgan 115 million yevrodan ancha past narxda amalga oshishiga ishonch ortib bormoqda.

Joriy mavsumda Baleba barcha turnirlarda 30 ta o‘yinda maydonga tushdi, biroq hozircha birorta ham samarali harakatni (gol yoki assist) o‘z hisobiga yozib qo‘ya olgani yo‘q.