«Bavariya» yarim himoyachisi Yozua Kimmixning fikricha, barcha «Real»ga qarshi uchrashuvni final hushtagi chalingunga qadar tomosha qilishi kerak edi.

Myunxenliklar Chempionlar ligasi chorak finalining javob o‘yinida madridliklarni mag‘lub etishdi (4:3). Luis Dias va Maykl Olise nemis jamoasining so‘nggi gollarini 89 va 94-daqiqalarda kiritishdi.

«Menimcha, o‘yinni oxirigacha ko‘rishga arzirdi. Umid qilamanki, Germaniyadagi barcha bolalarga televizor qarshisida biroz ko‘proq o‘tirishga ruxsat berishgan.

Umid qilamanki, rafiqam ham o‘g‘limga o‘yinni biroz uzoqroq tomosha qilishga ijozat bergan. Ehtimol, payshanba kuni unga maktabga faqat uchinchi darsga borishga ruxsat berishar», – dedi Kimmix o‘yindan so‘ng.