Braziliyalik hujumchi Neymar Italiyaning «Milan» klubi bilan aloqasi borligini ko‘rsatdi — ma’lum bo‘lishicha, unda ushbu klubning libosi mavjud.
Bu libos 2020/2021 yilgi mavsum namunasi bo‘lib, Neymar uni shaxsan Zlatan Ibragimovichdan olgan. Braziliyalik futbolchi ushbu libosni aynan qanday vaziyatda qo‘lga kiritgani haqida ma’lumot berilmagan. U Ronaldo va Ronaldinyo kabi avvalgi braziliyalik yulduzlardan farqli o‘laroq, Italiya chempionatida hech qachon to‘p surmagan.
Agar Ibragimovich o‘z vaqtida «PSJ»da biroz uzoqroq qolganida, u va Neymar bir klubda to‘p surishlari mumkin edi. Ammo shved futbolchisi u yerdan 2016 yilda ketgan, Neymar esa faqat keyingi yil — 2017 yilning yozida Parijga kelgan.
