«Liverpul» klubi «Bornmut» va Argentina terma jamoasi markaziy himoyachisi Markos Senesini sotib olish uchun asosiy da’vogarga aylandi. Bu haqda inews nashri xabar bermoqda.
Manbaning ma’lumotlariga ko‘ra, mersisaydliklar 28 yoshli futbolchi uchun kurashda «Manchester Yunayted» va «Chelsi»ni ortda qoldirishgan. «Qizil iblislar» va «ko‘klar» Senesining transferi bo‘yicha taklif berishni rejalashtirishmayapti.
Joriy mavsumda «Bornmut» himoyachisi barcha turnirlarda 33 ta o‘yinda maydonga tushib, o‘z hisobiga to‘rtta golli uzatmani yozdirib qo‘ydi. Futbolchining klub bilan amaldagi shartnomasi 2026 yilning yoziga qadar mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor qiymati 22 million yevroni tashkil etadi.
Markos Senesi Argentina terma jamoasi safida shu kungacha uchta uchrashuv o‘tkazgan.
